कपडे बदलत असताना घरात घुसून अल्पवयीन मुलीवर अतिप्रसंग, नकार दिल्यानं डोक्यात दळणाचं जातं घालून संपवलं;

सातारा जिल्ह्यातील सासपडे गावात एक संतापजनक घटना उघडकीस आली आहे. घरात घुसून एका 13 वर्षीय शाळकरी मुलीवर अतिप्रसंग करत असताना मुलीने आरोपीला विरोध केला. या झडापटीत आरोपीने तिच्या डोक्यात दगडी जातं टाकून तिची हत्या केलीय. या घटनेनं संपूर्ण महाराष्ट्र हादरला आहे.

सातारा : राज्यात दिवसेंदिवस गुन्हेगारीचं प्रमाण वाढत चाललं आहे. हत्या, अत्याचार आणि हाणामारी अशा अनेक प्रकराच्या गुन्ह्यांचं अक्षरश: वावटळ उठलं आहे. याचदरम्यान, सातारा जिल्ह्यात एक धक्कादायक घटना समोर आली आहे. सासपडे गावात एका 13 वर्षीय अल्पवयीन मुलीची एका तरुणाने डोक्यात दळणाचं दगडी जातं घालून निर्घृण हत्या केली आहे. या घटनेनं नागरिकांच्यात संतापाची भावना उसळली आहे. या प्रकरणात मुलीच्या हत्येप्रकरणी तिच्याच घरालगत राहणाऱ्या तरुणाला संशयित आरोपी म्हणून पोलिसांनी मुसक्या आवळल्या आहेत. या हल्ल्यानंतर गावात तणावाची परिस्थिती निर्माण झाली. संशयित आरोपीचं नाव राहुल यादव (वय 35) असं आहे.

घटनेनंतर पोलिसांनी घटनास्थळी धाव घेतली आणि काही तासानंतर संशयित आरोपी राहुल यादवच्या मुसक्या आवळल्या. या घटनेनं स्थानिकांच्या मनात संतापाची लाट उसळली आहे. स्थानिकांनी नराधमाच्या घरावर दगडफेक करत पत्रे उचकटले. यामुळे सासपडे गावातीला वातावरण चिघळल्याचं दिसून येत आहे. या प्रकरणात राहुल यादवने पोलिसांकडे कबुली जबाब देताना शाळकरी मुलीची हत्या केल्याचं कबुल केलं.

नेमकी घटना काय?

मृत 13 वर्षीय शाळकरी मुलगी शाळेतून आल्यानंतर तिने कुटुंबियांकडून चावी घेतली आणि ती घरात गेली. त्यानंतर ती कपडे बदलत असताना तेव्हा राहुलने घरात कोणीही नसल्याचं पाहून तो घरात शिरला. त्याने तिच्यावर अतिप्रसंग करण्याचा प्रयत्न केला. तिने राहुलला विरोध दर्शवला. त्यानंतर तिच्या डोक्यात जात्यानं हल्ला केल्याची माहिती राहुलने पोलिसांना दिली आहे.

याचप्रकरणी आता पोलिसांचं एक पथक राहुल यादवची झाडाझडती घेत आहेत. दुसरं पोलिसांचं पथक हे त्याचा मोबाईल स्कॅन करत तांत्रिक माहिती घेत असताना राहुल यादवच्या मोबाईलमधून धक्कादायक माहिती समोर आली. मोबाईलच्या इंटरनेट हिस्टरी चेक केली तेव्हा त्याला अश्लील व्हिडिओ बघण्याचा नाद असल्याचं समोर आलं

तुझं लफडं घरी सांगू का?

अल्पवयीन मुलावर भावनिक दबाव टाकून त्याच्याकडून पैसे उकळल्याचा धक्कादायक प्रकार समोर आला आहे. रायगड जिल्ह्यात खालापूर तालुक्यातील एका गावात अवघ्या १२ वर्षांच्या एका युवकाने अल्पवयीन मुलीच्या माध्यमातून प्रेमाच्या जाळ्यात अडकवलं. त्यानंतर त्याला ब्लॅकमेल करत तब्बल साडेतीन लाख रुपये उकळल्याची घटना उघडकीस आली आहे.

न्युज मराठी लाईव्ह 

सातारा