काळेश्वरी मातेच्या वज्रलेप वर्धापन सोहळा दिनी भक्तांची मांदियाळी..! वर्धापनदिनी घेतले लाखो भाविकांनी देवीचे दर्शन

प्रतिनिधी : श्री.संजय वांगडे

कुसुंबी (जावली) : तीर्थक्षेत्र नाचणीचे गाव कुसुंबी काळेश्वरी देवीचा वजर्लेप वर्धापन दिन सोहळा शुक्रवार (ता.१०) व शनिवार (ता.११) रोजी मोठ्या उत्साहात व भक्तिमय वातावरणात संपन्न झाला. यावेळी देवीची विधिवत पूजाअर्चा करत देवीचा अभिषेक, होमहवन, महाआरती, महाप्रसाद इत्यादी कार्यक्रम पार पडले. या सोहळ्याला सार्वजनिक बांधकाम मंत्री शिवेंद्रसिंहराजे भोसले सुद्धा उपस्थित राहिले. दरम्यान यावेळी बोलताना त्यांनी काळेश्वरी मातेच्या मंदिराला लवकरच 'ब' वर्ग दर्जा मिळवून देणार असल्याचे सांगितले.

कुसुंबी ता. जावली येथील राज्यभरात प्रसिद्ध असलेल्या काळेश्वरी देवी मूर्तीचा वज्रलेप सोहळा मागील वर्षी पार पडला होता. या सोहळ्याचा प्रथम वर्धापन दिन सोहळा कुसुंबी नगरीत शुक्रवार (ता.१०) व शनिवार (ता.११) रोजी मोठ्या उत्साहात व भक्तिमय वातावरणात संपन्न झाला. वेदमूर्ती महेश गोविंद पाठक यांच्या मार्गदर्शनाखाली पार पडलेल्या या सोहळ्यात शुक्रवार (ता.१०) रोजी मंत्रपठण, महाआरती, देवीचा जागर हे कार्यक्रम पार पडले. 

तर शनिवार (ता.११) रोजी देवीला पंचामृत अभिषेक, यज्ञमंडप, स्थानिक पूजन, सर्व तीर्थ स्नान, शतचंडी महायज्ञ, महाआरती हे कार्यक्रम पार पडले. या सोहळ्यादरम्यान उपस्थितांची महाप्रसादाचे आयोजन सुद्धा काळेश्वरी देवस्थान ट्रस्ट कडून करण्यात आले होते. यावेळी झालेल्या कार्यक्रमादरम्यान देवीच्या मूर्तीची केलेली सजावट सर्वांचेच लक्ष वेधून घेणारी ठरत होती. या कार्यक्रमासाठी कुसुंबीतील मुंबईकर मंडळी मोठ्या संख्येने उपस्थित होती. याशिवाय गावातील ग्रामस्थ तालुक्यातील लोकांनी सुद्धा या सोहळ्याला मोठ्या संख्येने हजेरी लावली होती. हा कार्यक्रम यशस्वी करण्यासाठी काळेश्वरी देवस्थान ट्रस्ट तसेच ग्रामस्थ मंडळ, नेहरू युवा मंडळ, महिला मंडळ, तरुण वर्ग यांनी कार्यक्रमासाठी अतोनात कष्ट घेतले. यावर्षीप्रमाणेच दरवर्षी वर्धापन दिन साजरा होईल अशी ग्वाही ग्रामस्थांनी दिली.

न्यूज मराठी लाईव्ह 

प्रतिनिधी / कुसुंबी (जावली)